Samarqandda “Kelajak ovozi” ko‘rik-tanlovining viloyat bosqichi bo‘lib o‘tdi.

“O‘zbekiston madaniyati va san’ati forumi” jamg‘armasi hamda “Kamolot” yoshlar ijtimoiy harakati markaziy kengashi hamkorligida an’anaviy ravishda o‘tkazib kelinayotgan tanlovning bu yilgi viloyat bosqichida ming nafardan ziyod yigit-qiz ishtirok etdi.

– Mazkur tanlov yoshlarning iste’dodini ro‘yobga chiqarish, ularni qo‘llab-quvvatlashda muhim ahamiyat kasb etmoqda, – deydi “Kelajak ovozi” yoshlar tashabbuslari markazi Samarqand viloyati bo‘limi muvofiqlashtiruvchisi Umid Burxonov. – Shu bois yildan-yilga bu tanlovga qiziqish ortib bormoqda.

Tanlov nizomiga ko‘ra, ishtirokchilar arxitektura va dizayn, axborot texnologiyalari va ratsionalizatorlik takliflari, texnik loyihalar, ishlanmalar, an’anaviy va amaliy san’at, adabiyot va publitsistika nominatsiyalarida 15 yo‘nalish bo‘yicha o‘z iqtidorini namoyish etdi.

Hakamlar hay’ati har bir yo‘nalish bo‘yicha qatnashchilarning ijodiy ishlarini ko‘rib chiqib, ularning bilim va iqtidorini munosib baholadi.

O‘zA