O‘zbekistonning birinchi raqamli raketkachisi Denis Istomin Belgiyaning Mons shahrida o‘tkazilgan “Chellenjer” musobaqasida juftliklar bellashuvida bosh sovrin sohibi bo‘ldi.

Rossiyalik Yevgeniy Korolyov bilan hamkorlikda o‘ynagan hamyurtimiz finalga chiqish uchun o‘tkazilgan uchrashuvlarda fransiyalik Mark Giskel va Nikolas Maxutni 6:3, 5:7, 10:8, chexiyalik Leos Frid va David Skochni 7:5, 6:1, germaniyalik Filipp Marks va slovakiyalik Igor Zelenayni 3:6, 6:3, 12:10 hisobida mag‘lubiyatga uchratdi.

D.Istomin va YE.Korolyov juftligi keskin va murosasiz kurashlar ostida o‘tgan hal qiluvchi bellashuvda kolumbiyalik Alexandro Falla va rossiyalik Teymuraz Gabashvilini 6:7, 7:6, 11:9 hisobida mag‘lubiyatga uchratib, bosh sovrin sohibi bo‘ldi. U endi poytaxtimizda o'tkazilayotgan Chellenjer musobaqasida ishtirok etadi.

O‘zA